2023 წლის 11 აგვისტოს ცხინვალის ივანე მაჩაბლის თეატრი გაემგზავრა საფრანგეთში, პარიზში, "ლევილის ქართულ ფესტივალში" მონაწილეობის მისაღებად. 12 აგვისტოს, ლევილის ქართულ მამულში ჯერ ქართული კამერული გუნდის წევრებმა, სიმონ ჯანგულაშვილის ხელმძღვანელობით, საეკლესიო საგალობლებით პატივი მიაგეს გარდაცვლილთა ხსოვნას. შემდეგ ცხინვალის ივანე მაჩაბლის სახელობის პროფესიულმა სახელმწიფო დრამატულმა თეატრმა წარმოადგინა სპექტაკლი „მატარებელი“ (რეჟისორი გოჩა კაპანაძე). ღონისძიებას ესწრებოდნენ ქართველი ემიგრანტები, ფრანგი და სხვა უცხოელი სტუმრები.
